抢先试食血色小鲜肉︳ 万圣节韩烤 @DINING娜

2020-07-11  阅读 266 次

(Presented by炑八韩烤)

就快到10月尾万圣节,除咗正日要约埋成班老友,化行哗鬼妆、换上各式Cosplay变身妖魔鬼怪外,出动前夕梗係要擦番餐应节得嚟又够特色嘅万圣节大餐啦!造型够晒抢眼又够晒鲜味嘅如果唔係边有气力出嚟周围吓人㗎!年年都食西餐,今年不如转转口味歎下万圣节韩烤 。

万圣节韩烤 食落肚血色小鲜肉

早排DINING娜就被邀请参加炑八韩烤,喺荃新天地旗舰店举行嘅「饿鬼辘辘万圣宴」活动,率先试食呢个份量十足、造型够晒抢眼又够晒鲜味嘅「血色小鲜肉」套餐(HK$618)。平时顶多用眼晴欣赏Oppa,估唔到今次见到一众赤裸裸嘅小鲜肉,仲要将佢哋烤晒嚟食落肚,搞到我呢位Nuna都有点难为情。

抢先试食血色小鲜肉︳ 万圣节韩烤  @DINING娜

入番正题先!今次一班小鲜肉分别放喺两层高嘅金属食物架上,包括有肉质爽厚、味道香醇嘅厚切猪五花腩;油香四溢、肉嫩滑腻嘅猪梅花肉;鲜中带甜、肉质弹牙嘅梨汁鸡肉;肉质爽脆、味道鲜甜嘅韩国大虾。加上油脂饱满、牛味浓郁嘅万圣节牛小排,同埋啖啖肉、牛味极浓嘅厚切上等盐烤牛舌,绝对係无肉不欢嘅食肉兽至爱!碟上仲伴有少许杂菜和鲜菌,可以稍为平衡一下味蕾。

万圣节不能没有了南瓜

套餐里面嘅诡异南瓜牛肋骨煲,以原个南瓜盅盛载住煮至入味嘅牛肋骨,热腾腾上枱时嗰种浓烈牛肉香夹杂住南瓜嘅清甜香气,确实令人食慾大增。食之前记得用铰剪轻轻剪开南瓜,咁果肉就会好似花瓣咁整齐散开。由于牛肉已焖至非常腍,所以不妨用铰剪剪成一小粒,做到啖啖肉嘅效果。

抢先试食血色小鲜肉︳ 万圣节韩烤  @DINING娜

牛魔王必点 油花分布均匀

自认係牛魔王,可以叫多份油花均匀、肉质丰盈嘅万圣节1++韩牛贝身肉(HK$220)嚟歎下!只要稍为烤熟,唔使落任何调味已够晒滋味!加上韩牛贝身肉跟牛小排,同样放在以铁锁链扭成悬空形状的架子上,造型颇为惊艳!

 

抢先试食血色小鲜肉︳ 万圣节韩烤  @DINING娜

热爆惹味 骷髅芝士熔岩饭

假如一大班哗鬼开餐,或者有大食鬼撑枱脚,嫌未够喉又想凑下米气,可以再点多个「骷髅芝士熔岩饭」(HK$186)。韩国炒饭铺上好似岩浆咁Hot嘅惹味芝士,加上栩栩如生嘅骷髅造型煎双蛋,简单睇得、食得,仲影得!又一相机食先,社交媒体呃Like Killer之作!

 

抢先试食血色小鲜肉︳ 万圣节韩烤  @DINING娜

深水炸物 吐出黑甜年糕粉丝

唔想食饭,但又爱澱粉质同海鲜,可以加码叫埋呢碟「特大炸鱿鱼墨汁年糕粉丝(HK$175)。大大件原只鱿鱼炸到金黄香脆,再洒上惹味香蒜同调味,令人愈食愈开胃!至于墨汁年糕粉丝,入口有少少鹹香又渗出丝丝甜味,加上口感烟韧嘅年糕,简直滋味无比。

 

抢先试食血色小鲜肉︳ 万圣节韩烤  @DINING娜

食到停唔到口,忽然觉得有啲口渴?最啱点埋呢杯异常吸睛嘅菠萝眼球梳打(HK$32),成个眼球载浮载沉喺冰冻嘅菠萝海里面,睇到都毛管戙,但最后都係会忍唔到口,震住边饮边Selfie。

 

抢先试食血色小鲜肉︳ 万圣节韩烤  @DINING娜

同场加映:韩式Pop Cake Workshop

试食万圣宴当日,仲有一个特别热身活动,就係韩式Pop Cake Workshop!活动本身係炑八达人(会员)嘅不定期主题聚会,今次就专程远道由韩国请来4位韩式Pop Cake导师,亲身示範点样製作小蛋糕上面嘅立体花。示範完又会巡视下学员进度,兼亲自指点教学,由于成品吸引又好玩,所以现场气氛都好高涨。做完基本立体花同小盆栽后,仲可以晋级挑战其他万圣节立体造型,好似南瓜、巫师帽、断指、哗鬼等。当学员享用紧自己嘅杰作时,导师们仲走埋嚟逐一帮学员将作品放入蛋糕盒内,咁细心真係令人忍唔住大叫暖男、暖女!

抢先试食血色小鲜肉︳ 万圣节韩烤  @DINING娜

抢先试食血色小鲜肉︳ 万圣节韩烤  @DINING娜

 

抢先试食血色小鲜肉︳ 万圣节韩烤  @DINING娜

炑八韩烤 荃新天地旗舰店

地址:荃湾杨屋道18号荃新天地二期1楼125号舖

电话:2363 6408

营业时间:11:30am-12pm

网页

上一篇:
下一篇: